ID login

Ambjent, Enerġija, Biedja u Sajd

x’qiegħed tfittex?

One Stop Shops
fil-qalba tal-komunità

Avviż

Bdil jew Ċaqliq tal-Post ta' Servizz tal-Ilma (Formola S)

Ċaqliq jew bdil ta' kumnikazzjoni ta' servizz tal-arloġġ tal-ilma. Iċ-ċaqliq tal-arloġġ tal-ilma b'distanza qasira perpendikulari għal mains li m'għandhomx bżonn kumnikazzjoni ma jinvolvix ħlas. Meta ċ-ċaqliq tal-arloġġ tal-ilma jirrikjedi kumnikazzjoni ġdida, ikun irid isir ħlas ekwivalenti għal dak ta' applikazzjoni ġdida għal servizz tal-ilma. Din l-applikazzjoni tista' tintuża wkoll biex jinbidlu l-kanen tal-ħadid għall-ilma, f'liema każ l-applikant għandu jinstalla earth electrode qabel ma jbiddel is-servizz.
Bdil tal-Arloġġ tal-Ilma (Formola B)

Detentur ta' kont jista' jitlob li jibdel l-arloġġ tal-ilma, jew għax ikun antik jew inkella għax ikun wieqaf u ma jkunx qed jirreġistra konsum.
Bidla fin-Numru ta' Persuni Residenti f'Post/Fond (Formola H)

Reġistrazzjoni ta' bidla fin-numru ta' persuni li joqogħdu fil-post. Dawn il-persuni jirċievu sussidju fil-forma ta' eco-reduction fuq il-kontijiet tagħhom tal-elettriku. L-awtoritajiet għandhom jiġu mgħarrfa kull darba li jkun hemm bidla fin-numru ta' persuni hekk li l-kontijiet wara d-data ta' meta tkun intbagħtet l-applikazzjoni jirriflettu n-numru korrett tal-persuni.
Bidla fit-Tariffi tal-Kont (Formola R)

Din l-applikazzjoni ssir biex taġġorna t-tariffa sew tal-ilma kif ukoll tal-elettriku għal kont minn wieħed residenzjali/domestiku għal wieħed mhux residenzjali u viċiversa. It-tariffa applikabbli normalment tiġi stmata fuq l-użu tal-post u l-applikazzjoni jkollha dikjarazzjoni magħha fuq l-użu li qed isir mill-post.
Dikjarazzjoni dwar Servizz li ma Jintużax Regolarment (Formola M)

Dikjarazzjoni ta' servizz li mhuwiex jintuża regolarment.
Energy Audits għall-Intrapriżi Żgħar u Medji

Din l-applikazzjoni hija għal intrapriża żgħira jew ta’ daqs medju sabiex tapplika għal għotja għall-Energy Audit, li ssir taħt id-direzzjonijiet speċifiċi mogħtija fl-Avviż tal-Gvern 237 u 238 tal-2024.

L-Iskema ta' Promozzjoni ta' Energy Audits f'Intrapriżi Żgħar u Medji hija maqsuma f'2 għażliet, imsejħa Skema A u Skema B. L-Iskema A hija intiża għal intrapriżi li huma elenkati taħt ir-Regolament De Minimis, filwaqt li l-Iskema B hija għal intrapriżi eliġibbli taħt ir-Regolament Ġenerali ta’ Eżenzjoni ta’ Kategorija.
Għajnuna għal Investiment ta' Proġetti għall-Effiċjenza tal-Enerġija

Il-Korporazzjoni Malta Enterprise f'kollaborazzjoni mal-Aġenzija tal-Enerġija u l-Ilma ser tagħti għajnuna lil-impriżi li jwettqu investimenti li jwasslu għal effiċjenza mtejba tal-enerġija. L-għajnuna hija mfassla biex tiffaċilita investiment f'soluzzjonijiet teknoloġiċi li jipprovdu effiċjenza akbar fl-enerġija u jikkontribwixxu direttament lejn tnaqqis fil-ħtiġijiet tal-enerġija tal-benefiċjarji. L-għajnuna mogħtija permezz ta' din il-miżura ser tkun taħt forma ta' kreditu ta' taxxa li jista' jinqata' kontra t-taxxa dovuta mill-benefiċjarju.
Għarfien Temporanju ta’ Kerrej (Formola F2)

Tista' tuża din l-applikazzjoni biex titlob għarfien temporanju ta’ kerrej.
Għotja fuq Xiri ta’ Apparat għall-Purifikazzjoni tal-Ilma - SEJĦA 2024/Reverse Osmosis.

L-iskema tar-Reverse Osmosis (RO) hija amministrata mir-Regolatur għas- Servizzi tal-Enerġija u l-Ilma, biex jitnaqqas l-użu ta’ kontenituri tal-plastik użati għall-ibbottiljar tal-ilma, permezz ta’ reverse osmosis, reverse osmosis b’reject water return u water filtration system. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi) għal użu fil-proprejtà residenzjali tagħhom, u għal organizzazzjonijiet li ma jwettqux attività ekonomika.
Għotja fuq xiri ta’ Sistemi tal-Enerġija Rinovabbli fis-Settur Domestiku – Sejħa 2024/RES

L-iskema RES, hija amminstrata mir-Regolatur għas-Servizzi tal-Enerġija u lIlma, bil-ħsieb li tinkoraġġixxi iktar l-użu aħjar ta’ enerġija rinnovabbli, iġġenerata fil-pajjiż. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi), għal użu ta’ tagħmir fil-proprejtà residenzjali tagħhom, u għal organizzazzjonijiet li ma jwettqux attività ekonomika, sakemm l-installazzjoni fotovoltajika, m’għandu jkollha l-ebda allokazzjoni attiva ta’ feed-in tariff. Jekk is-sistema fotovoltajika installata jkollha allokata feed-in tariff, il-perjodu ta’ garanzija għandu jkun skadut.

© Servizz.gov 2024