Ambjent, Enerġija, Biedja u Sajd

Talba għal provvista temporanja ta' ilma eż. fuq siti ta' kostruzzjoni. Ma' din l-applikazzjoni għandhom jitħallsu €760. Il-provvista ma ddumx aktar minn 6 xhur imma tista' tiġi estiża.

It-trasferiment ta' kont għall-provvista tal-elettriku u ilma minn detentur deċedut ta' kont lis-sieħeb irreġistrat tiegħu. Jista' jkun hemm impatt fuq ir-rati tal-kont billi rati differenti japplikaw skont in-numru ta' persuni li jgħixu fil-post. Huwa importanti li tara li skont ir-Regolamenti dwar il-Provvista tal-Elettriku kurrenti, l-istess persuna tista' ċċaqlaq biss ir-reġistrazzjoni tiegħu/tagħha minn post għal ieħor darba f'sena.

It-trasferiment tal-kont tal-provvista tal-elettriku u l-ilma għal post partikulari fil-każ ta': bdil tas-sid, meta l-post jingħata lura lis-sid, meta tinxtara proprjetà li diġà għandha provvista ta' dawl/ilma, trasferiment minħabba wirt, u għal skopijiet ta' kiri.

Servizz ta' terminazzjoni. Il-qtugħ ta' provvista u t-tneħħija tal-arloġġ tal-elettriku.

L-iskema tal-‘Heat Pump Water Heaters’ hija amministrata mir-Regolatur għas-Servizzi tal-Enerġija u l-Ilma, bil-ħsieb li tinkoraġixxi l-użu ta’ tagħmir ta’ enerġija effiċjenti fis-settur domestiku. Din l-iskema hija ffinanzjata minn fondi nazzjonali, u tapplika għal individwi privati (persuni fiżiċi), għal użu tat-tagħmir fil-proprjeta’ residenzjali tagħhom, u għal organizzazzjonijiet li ma jwettqux attività ekonomika.

L-iskema tal-Pannelli Solari Fotovoltajċi hi amministrata mir-Regolatur għas-Servizzi tal-Enerġija u l-Ilma bil-ħsieb li tinkoraġġixxi l-użu tal-enerġija rinovabbli fis-settur domestiku. Din l-iskema hi ffinanzjata minn fondi nazzjonali u tapplika għal individwi privati (persuni fiżiċi) rigward l-użu tal-pannelli fuq il-proprjetà residenzjali tagħhom, u għal organizzazzjonijiet li ma jwettqux attività ekonomika.

Talba għal kont aġġornat permezz ta' din l-applikazzjoni. Din l-applikazzjoni normalment tintbagħat meta klijent ikollu bżonn qari tal-arloġġ riċenti, li jkollu l-kont f'idejh, jew li jirċievi l-qari attwali tal-arloġġ. Għandu jsir ħlas ta' €2.33 għal kull kuntratt (ilma jew dawl), li trid tħallas għalih mal-kont li jinħareg.

Talba għal kumpens għal danni kkawżati mill-Enemalta.