Edukazzjoni, Xjenza u Teknoloġija

Wara sentejn ta' prattika fil-professjoni tat-tagħlim, l-għalliema li għandhom kwalifika fit-tagħlim rikonoxxuta mill-Kunsill tal-Professjoni tat-Tagħlim (CTP) huma mitluba biex japplikaw għall-warrant permanenti ta' għalliem. Persuni li għandhom degree ta' Master's jew degree ekwivalenti u rreġistraw għal kwalifika bħal din qabel id-29 ta' Lulju 2008 jistgħu japplikaw ukoll. Persuni li qabel id-29 ta' Lulju 2008 kienu jipprattikaw il-professjoni ta' għalliem għal tal-anqas 8 snin fi skola wara li jkunu komplew ħmistax-il sena ta' esperjenza fit-tagħlim jistgħu japplikaw għal warrant permanenti.

Għalliema li jgħallmu fl-edukazzjoni obbligatorja huma mitluba mill-Liġi biex ikollhom tal-anqas warrant temporanju.

Applikanti jistgħu jagħmlu użu mill-applikazzjoni onlajn billi jiddikjaraw ir-rwol li jagħżlu permezz ta’ kwalifiki imtella' fl-applikazzjoni u skont rekwiżiti ta’ eliġibilità. L-Accreditation Unit jibgħat ittra ta' akkreditazzjoni b'email lill-applikant. Din l-ittra tista' tintuża mill-applikant bħala prova meta dan japplika għal impjieg ma' Istituzzjoni Edukattiva.

Din l-iskema hi għal studenti Għawdxin li qed jistudjaw l-MCAST, Junior College u l-Univeristà ta’ Malta kif ukoll għal edukaturi Għawdxin li jaħdmu fl-iskejjel tal-Istat, Privati, tal-Knisja, MCAST, Junior College kif ukoll fl-Universita ta’ Malta.

Is-Servizz tal-Psikoloġija fl-Iskejjel jgħin biex jinħoloq ambjent san li jifaċċilita l-iżvilupp edukattiv u personali tal-istudenti. Dan isir permezz ta’ interventi ta’ prevenzjoni u interventi oħra fuq livell personali, familjari u sistemiku.

Bejn wieħed u ieħor l-Aġenzija torganizza Xalata ta’ Kitba darba fix-xahar, għal tfal ta’ etajiet differenti u l-familji tagħhom. Dawn l-attivitajiet jagħtu togħma tal-proċess tal-kitba lill-familji b’attività prattika, fejn it-tfal u l-kbar iħaddmu l-kreattività tagħhom billi jsawru storja, reklam jew poeżija, u jiktbu flimkien bħala familja.

Matul din l-esperjenza l-familji:

• jieħdu sehem f’esperjenza ta’ kitba.
• jiktbu flimkien bħala familja f’atmosfera ta’ gost u rilassanti,
• ikollhom esperjenza pożittiva tal-kitba,
• jorbtu l-kitba mal-ħajja ta’ kuljum u,
• jitħarrġu fi strateġiji tal-kitba li l-ġenituri/kustodji jistgħu jużaw ma’ wliedhom id-dar.

Dan is-servizz huwa maħsub biex ikompli jipprovdi l-edukazzjoni meħtieġa u biex inaqqas kemm jista’ jkun l-effetti ta’ assenza fit-tul waqt li l-istudent ikun qed jirċievi trattament fl-isptar.

Dan is-servizz huwa maħsub għal tfal li juru diffikultajiet jew dewmien f'diversi oqsma.

Jekk tifel/tifla jiġu identifikati bħala li għandhom telf sinifikanti tal-fakultà tal-vista li ma tistax b’mod xieraq tiġi kkoreġuta bl-użu ta’ nuċċali tal-vista, dawn jistgħu jiġu riferuti għal dan is-servizz.

Tifel/tifla li jiġu identifikati li għandhom telf sinifikanti tal-fakultà tas-smigħ, l-iskola tista’ tirreferih/a għas-servizz offrut mill-għalliema għal dawk bi problemi fis-smigħ.