ID login

Edukazzjoni, Xjenza u Teknoloġija

X’qed tfittex?

One Stop Shops
fil-qalba tal-komunità

Avviż

Warrant Temporanju għall-Għalliema fl-Iskejjel tal-Istat

Għalliema li jgħallmu fl-edukazzjoni obbligatorja huma mitluba mill-Liġi biex ikollhom tal-anqas warrant temporanju.
Anti-Bullying Service

Dan is-servizz joffri sapport lill-istaff tal-iskejjel biex jieħdu l-azzjonijiet neċessarji kontra mġieba ta’ bbuljar, jitfasslu programmi ta’ prevenzjoni sabiex jiġi żgurat ambjent sikur li jgħin fit-tagħlim u l-kuntentizza tal-istudent. Permezz ta’ dawn il-programmi titqajjem kuxjenza, u jingħata għarfien lill-partijiet involuti dwar prattiki restorattivi. Is-sapport huwa estiż għall-istudenti, il-ġenituri u l-istaff.
Applikazzjoni għall-Iskema tal-Komunità u l-Innovazzjoni

L-għan ta’ din l-iskema huwa li tappoġġa finanzjarjament lill-organizzazzjonijiet mhux governattivi (NGOs) u lill-organizzazzjonijiet Volontarji (VOs) biex iwettqu proġetti relatati mal-innovazzjoni fil-komunitajiet (b’ enfasi fuq ix-Xjenza, it-Teknoloġija, l-inġinerija u l-Matematika). Proposti li jużaw approċċ li juża x-Xjenza, it-Teknoloġija, l-inġinerija, l-Arti u l-Matematika bħala punti ta’ aċċess biex jiggwidaw l-inkjesta Komunitarja, id-djalogu u l-ħsieb kritiku huma eliġibbli wkoll.
Approvazzjoni tar-Rekwiżiti għall-Edukaturi

Applikanti jistgħu jagħmlu użu mill-applikazzjoni onlajn billi jiddikjaraw ir-rwol li jagħżlu permezz ta’ kwalifiki imtella' fl-applikazzjoni u skont rekwiżiti ta’ eliġibilità. L-Accreditation Unit jibgħat ittra ta' akkreditazzjoni b'email lill-applikant. Din l-ittra tista' tintuża mill-applikant bħala prova meta dan japplika għal impjieg ma' Istituzzjoni Edukattiva.
Counselling Services

Il-counsellor joffri sessjonijiet fuq livell individwali, fi grupp jew fil-klassi sabiex jgħin u jsaħħaħ il-kunfidenza, ir-responsabbiltà u l-ħiliet soċjali tal-istudent. L-għajnuna tibda meta l-istudent jibda jmur lura akkademikament, ikollu diffikultajiet fl-imġiba, meta jkun hemm xi problemi ta’ saħħa mentali jew meta l-istudenti jiftħu qalbhom ma’ xi ħadd fl-iskola u jistqarru xi affarijiet serji.
Early Intervention Service

Jekk it-tifel/tifla qed jesperjenzaw dewmien f’iktar minn qasam wieħed tal-iżvilupp trid timtela applikazzjoni għal dan is-servizz. Is-servizz huwa offrut minn trabi sa ħames snin. Wara l-kunsens tal-ġenituri jsir assessjar sabiex jiġu indirizzati dawn id-diffikultajiet u jiġu organizzati sessjonijiet fid-dar jew fi gruppi fejn ikollhom fil-mira d-diversi oqsma ta’ żvilupp bħalma huma l-iżvilupp komunikattiv, fine u gross motor skills u diffikultajiet sensorjali.
Gost il-Qari

Gost il-Qari/The Pleasure of Reading huwa programm ta’ qari ta’ stejjer lil tfal bejn 7 u 11-il sena flimkien mal-ġenituri/kustodji tagħhom. Is-sessjonijiet huma ta’ siegħa fil-ġimgħa u jsiru kemm bil-Malti kif ukoll bl-Ingliż. Dawn is-sessjonijiet isiru kemm fl-iskejjel primarji kif ukoll fil-komunità.
Dan il-programm tfassal bil-għan li jsiru sessjonijiet divertenti ta’ qari, irrakkontar ta’ stejjer u attivitajiet marbuta magħhom bil-għan li jqanqlu l-immaġinazzjoni tat-tfal u jsaħħu l-ħiliet kritiċi u kreattivi tagħhom. Permezz tal-qari animat ta’ stejjer, it-tfal mhux biss ikunu qegħdin jitgħallmu informazzjoni ġdida imma wkoll jitgħallmu jħaddnu valuri importanti fil-ħajja tagħhom. L-Animaturi tal-Qari jużaw vokabularju varjat u jħeġġu lit-tfal jesprimu ruħhom u jiddiskutu temi differenti. Waqt is-sessjonijiet tal-qari jintuża metodu ta’ tagħlim multisensorjali permezz ta’ riżorsi apposta. F’dawn is-sessjonijiet it-tfal jitgħallmu jagħrfu s-sekwenza tal-istorja, jidentifikaw l-isfidi li jkun hemm fiha u flimkien ma’ sħabhom isibu s-soluzzjonijiet għalihom permezz ta’ diskussjonijiet u billi jidentifikaw ruħhom mal-karattri nfushom.
Hospital Classes

Dan is-servizz jagħti lill-istudenti t-tagħlim meħtieġ u sabiex inaqqas kemm jista’ jkun, u safejn hu possibbli, l-effetti ta’ assenza fit-tul mill-iskola meta l-istudenti jkunu qed jirċievu trattament fl-isptar. Is-servizz ikopri t-tagħlim fit-tliet suġġetti tal-Matematika, tal-Malti u l-Ingliż. Dan is-servizz jgħin lill-istudenti biex iħossuhom f’ambjent edukattiv familjari kemm idumu fl-isptar.
Il-Koordinatur tat-Tranżizzjoni

L-istudenti bi bżonnijiet individwali li qegħdin fil-Year 11 flimkien mal-familji tagħhom jistgħu jiġu megħjuna minn dan is-servizz. Il-koordinatur jiggwidahom sabiex jagħmlu l-għażla t-tajba għall-opportunitajiet post-sekondarji jew għax-xogħol. Il-koordinatur jattendi għal-laqgħat individwali tal-istudent, jippjana pjanijiet t’azzjoni, jorganizza żjajjar ta’ orjentazzjoni sabiex issir l-aħjar għażla possibbli ta’ edukazzjoni/opportunitajiet ta’ xogħol lill-istudent flimkien mal-ġenituri.
Is-servizz taċ-Child Safety Service

Dan is-servizz speċjalizzat jittratta sitwazzjonijiet ta’ abbuż tat-tfal li jinkludi dak fiżiku, traskuraġni, emozzjonali, sesswali u każijiet tat-tfal li jkunu f’riskju. It-tim joffri lezzjonijiet u programmi ta’ prevenzjoni, jidentifikaw u jirrappurtaw l-abbuż filwaqt li jipprovdu edukazzjoni, konsultazzjoni, sessjonijiet mal-counsellor fl-iskejjel, mal-familji u mal-edukaturi madwar Malta u Għawdex.

© Servizz.gov 2024