Edukazzjoni, Xjenza u Teknoloġija

Dan is-servizz huwa maħsub sabiex jipprepara lill-istudenti għad-dinja tax-xogħol permezz tal-għażla tas-suġġetti, żjajjar fiżiċi fuq il-postijiet tax-xogħol kif ukoll gwida individwali dwar il-karriera. Is-sapport mhux limitat għall-iskejjel sekondarji biss iżda jsiru inizjattivi kreattivi anke fl-iskejjel primarji s-sena kollha.

Lenti fuq l-Iżvilupp ta’ Wliedna huwa skrinjar nazzjonali bikri għal kull tifel u tifla li jitwieldu sabiex jiġu sskrinjati fid-diversi oqsma tal-iżvilupp tagħhom. Dan il-programm ta’ skrinjar jgħin ukoll fid-diffikultajiet ta’ kull qasam fit-tagħlim edukattiv. Jekk ikun hemm xi diffikulta` fit-tfal dawn se jiġu ssapportjati minn qabel ma jibdew il-vjaġġ skolastiku bikri. Dan l-assessjar huwa magħmul mit-terapisti tal-Speech Language Pathologist fi ħdan il-Ministeru tas-Saħħa.. Jintbagħtu ittri bil-posta mill- Ministeru tal-Edukazzjoni, Sport, Zaghzagh, Ricerka u Innovazzjoni lil kull ġenituri/kuratur meta uliedhom jagħlqu l-24 xahar biex jipparteċipaw f’dan il-programm tal-iskrinjar.
​​​​​​​

Dawn l-għalliema għandhom ħiliet partikolari u għarfien tad-diffikultajiet fil-vista tal-istudenti. Is-servizz joffri għajnuna kontinwa/fit-tul lill-istudenti, lill-familji tagħhom u lill-iskejjel minn trabi sa Year 11, kemm fid-dar kif ukoll fl-iskola. Huma jgħinu fil-bżonnijiet kurikulari, jagħtu pariri dwar l-użu tat-teknoloġiji assistivi, u jassistu fl-assessjar tal-istudent. Għalliema għal studenti neqsin mis-smigħ jgħinu, fl-ippjanar ta’ programmi individwali u jiddiskutu arranġamenti waqt l-eżamijiet kif ukoll jaġixxu ta’ komunikaturi waqt eżamijiet fl-iskola u dawk nazzjonali.

Dan is-servizz jagħti sapport lil tfajliet li saru ommijiet flimkien mal-ġenituri u l-partners tagħhom. Joffri programmi ta’ prevenzjoni għall-adoloxxenti għax jemmnu fl-importanza tal-edukazzjoni fejn jidħlu relazzjonijiet u esperimentazzjoni sesswali. Dawn il-programmi ta’ prevenzjoni jingħataw lill-istudenti tal-Year 9 u laqgħat informattivi lill-ġenituri tal-istudenti tal-Year 7.

L-għan primarju tas-servizz huwa li jżomm l-iskejjel ‘il bogħod minn kull forma ta’ sustanza u l-perikli marbuta mal-użu ta’ sigaretti, alkoħol, vaping u drogi, b’ diversi taħditiet informattivi fl-iskejjel ta’ prevenzjoni kif ukoll interventi kif meħtieġ. L-edukaturi kif ukoll il-ġenituri tal-istudenti jistgħu jirreferu għal dan is-servizz. Hemm proċeduri stretti ta’ gwida meta jkun hemm dubji ta’ meta jinstabu s-sustanzi. 

Dan is-servizz jingħata mill-Year 1 sal- Year 11 lill-istudenti li ma jistgħux jattendu l-iskola għal perjodu ta’ mhux inqas minn tliet ġimgħat konsekuttivi minħabba mard, kondizzjoni medika (sakemm mhix kontaġġjuża) jew korriment. L-istudenti jingħataw servizz edukattiv kompensatorju bl-għan li jimminimizza l-konsegwenzi ta’ assenza mill-iskola billi jingħataw tagħlim kontinwu fil-Matematika, l-Ingliż u l-Malti. Dawk riferuti jeħtieġu ċertifikat mediku u hemm koordinazzjoni konġunta bejn l-iskola u l-għalliema ta’ dan is-servizz sabiex ikun hemm integrazzjoni tajba.