Ekonomija, Negozju u Kummerċ

Programm nazzjonali ta’ litteriżmu dwar l-AI—kors onlajn b’xejn aċċessibbli permezz tal-eID.

L-iskema Boost Your Coding hija inizjattiva maħsuba biex tipprovdi għajnuna finanzjarja lil individwi li qed jagħmlu korsijiet ta’ coding li jaqblu mal-għanijiet tal-iskema. L-iskema toffri appoġġ sa €1,000 għal kull applikant, minn fond ta’ €400,000

Din hi l-formula għar-Rimborż ta’ l-iskema Boost Your Coding – inizjattiva maħsuba biex tipprovdi għajnuna finanzjarja lil individwi li qed jagħmlu korsijiet ta’ coding li jaqblu mal-għanijiet tal-iskema. L-iskema toffri appoġġ sa €1,000 għal kull applikant.

Din l-iskema hija għal individwi li, fuq il biża tal-kriterji stabbiliti mill-MDIA, għandhom l-għarfien u l-meritu meħtieġ f'dominju teknoloġiku partikolari u  jixtiequ japplikaw biex jiġu rikonoxxuti bħala Espert Tekniku Persuna Naturali  (ETPN) f'dominji speċifiċi. Din l-iskema tapplika wkoll għall dawk TENPs li huma diġà rikonoxxuti mill-Awtorità f'dominji speċifiċi li jixtiequ jirrinnovaw ir-rikonoxximent tagħhom.

Il-Qafas ta’ Rikonoxximent għall-Valutazzjoni tat-Teknoloġija (TARF) tal-MDIA huwa qafas f’livelli differenti, maħluq biex jipprovdi gradi varji ta’ rikonoxximent għal firxa wiesgħa ta’ teknoloġiji, minn dawk emerġenti sa dawk tradizzjonali, u li jallinja ma’ standards internazzjonali u l-aħjar prattiki tal-industrija.
 

TARF huwa skalabbli, u jippermetti integrazzjoni bla xkiel ta’ teknoloġiji ġodda. Huwa mmirat lejn sidien jew operaturi ta’ soluzzjonijiet teknoloġiċi li jixtiequ jivvalutaw u jiksbu rikonoxximent għall-kontrolli relatati mat-teknoloġija tagħhom.

Ir-rikonoxximent uffiċjali ta’ TARF għandu l-għan li jipprovdi gradi differenti ta’ fiduċja għal partijiet interessati bħall-Awtoritajiet Ewlenin, investituri, żviluppaturi, fornituri, utenti finali, u l-pubbliku. Il-qafas huwa flessibbli, u jippermetti lill-applikanti jagħżlu x’jixtiequ jiġu vvalutati fuqu, b’livelli ta’ valutazzjoni differenti li jibnu fuq xulxin għal livelli ogħla ta’ fiduċja.

Il-ERBA’ LIVELLI TA’ VALUTAZZJONI TA’ TARF HUMM:

•    Livell 0 – Awto-Valutazzjoni (speċifiku għas-settur)
•    Livell 1 – Sandbox tat-Teknoloġija
•    Livell 2 – Reviżjoni tat-Teknoloġija
•    Livell 3 – Assigurazzjoni tat-Teknoloġija

Dan is-servizz huwa maħsub għal start-ups Maltin fit-teknoloġija u studenti b'kunċetti innovattivi ta' negozji teknoloġiċi li jeħtieġu gwida minn esperti biex jiżviluppaw u jkabbru l-impriżi tagħhom. Dan jgħaqqad lill-benefiċjarji eliġibbli ma' sħab fl-industrija li jipprovdu servizzi ta' konsulenza professjonali.

Dan is-servizz huwa maħsub għal kumpaniji Maltin fit-teknoloġija, start-ups, u negozji li qegħdin ifittxu li jespandu internazzjonalment. L-inizjattiva inMalta tirrappreżenta lil Malta f'konferenzi u summits internazzjonali ewlenin tat-teknoloġija, u tipprovdi lin-negozji Maltin opportunitajiet biex juru l-innovazzjonijiet tagħhom fuq livell globali.

Il-Formola tal-Ilment Regolatorju tal-Awtorità tal-Innovazzjoni Diġitali ta’ Malta (MDIA) tapplika għall-ilmenti riċevuti minn kull persuna naturali jew ġuridika, skont l-Artikolu 63 tar-Regolament (UE) 2019/881 (L-Att dwar iċ-Ċibersigurtà), l-Artikolu 27 tar Regolament (UE) 2022/868 (Att dwar il-Governanza tad-Data), l Artikolu 38 tar-Regolament (UE) 2023/2854 (L-Att dwar id-Data), l Artikolu 85 tar-Regolament (UE) 2024/1689 (l-Att dwar l Intelliġenza Artifiċjali), l-Artikolu 52 tar-Regolament (UE) 2024/2847 (L-Att dwar ir-Reżiljenza Ċibernetika), il-Leġiżlazzjonijiet Sussidjarji rilevanti, u kull regolament ieħor li jista’ jaqa’ taħt il MDIA. *Għandu jiġi nnutat li d-dispożizzjonijiet korrispondenti taħt l-Att dwar l-Intelliġenza Artifiċjali u l-Att dwar ir-Reżiljenza Ċibernetika għadhom ma ġewx applikati.

Fornitur tas-Servizzi ta’ Intermedjazzjoni tad-Data jaġixxi bħala intermedjarju newtrali sabiex jiffaċilita il-kondiviżjoni u l-iskambju tad-data bejn diversi entitajiet, pereżemju detenturi tad-data, utenti tad-data u suġġetti tad-data. 

Skont l-Att Ewropew dwar il-Governanza tad-Data (DGA) (Regolament (UE) 2022/868), dawn il-fornituri għandhom irwol importanti sabiex joħolqu qafas ta’ fiduċja u konformità legali, li jappoġġjaw transazzjonijiet ta’ data trasparenti u siguri. Din in-notifika toffri l-opportunità sabiex il-fornitur tas-servizzi ta’ intermedjazzjoni tad-data jikkonforma mar-regolamenti tal-Unjoni Ewropea fuq il-governanza tad-data, biex jiġu promossi skambji ta’ data affidabbli, u servizzi ta’ intermedjazzjoni tad-data li huma ġusti u trasparenti. 
 

Organizzazzjoni tal-Altruwiżmu fir-rigward tad-data, hija entità legali stabbilita biex twettaq attivitajiet ta’ altruwiżmu tad-data u topera fuq bażi mingħajr skop ta’ qligħ. L-altruwiżmu tad-data huwa definit bħala l-kondiviżjoni  volontarju tad-data fuq il-bażi tal-kunsens tas-suġġetti tad-data jew permess tad-detenturi tad-data, kif applikabbli, għal għanijiet ta’ interess ġenerali.

Organizzazzjonijiet rikonoxxuti tal-Altruwiżmu fir-rigward tad-Data huma entitajiet li jiffaċilitaw il-kondiviżjoni tad-data skont l-Att Ewropew dwar il-Governanza tad-Data tal-UE (Regolament (UE) 2022/868). Skont dan l-Att, Organizzazzjonijiet tal-Altruwiżmu fir-rigward tad-Data għandhom rwol kruċjali fil-ħolqien ta’ qafas għall-altruwiżmu tad-data li jsegwi ma’ standards stretti ta’ governanza, trasparenza u sigurtà, u b’hekk jibnu fiduċja fl-ekosistema ta’ kondiviżjoni  volontarja  tad-data.