Ekonomija, Negozju u Kummerċ

L-Istitut tal-istandards u l-Metroloġija fi ħdan l-MCCAA jikkontrolla u jipprovdi ċertifikazzjoni lill-operaturi li jipproduċu, jipproċessaw u jimpurtaw (mill-pajjiżi barra mill-Unjoni Ewropea), prodotti tal-ikel bl-imnut, bl-ingrossa u organiċi skont ir-rekwiżiti tar-regolament fuq il-biedja organika EC Reg 834 of 2007. Jekk l-organizzazzjoni tiegħek tirrekjedi din it-tip ta’ ċertifikazzjoni, inti tista' tibda billi titlob kwotazzjoni u timla formula sabiex tkun tista' tapplika.

Dan l-istandard huwa maħsub sabiex jintuża minn fornituri ta' servizzi tal-Kontroll tal-Pesti kif ukoll certification bodies għall-attivitajiet ta' valutazzjoni ta’ konformità li jgħinu lill-klijenti jagħmlu għażla infurmata ta' programmi ta’ Kontroll tal-Ġestjoni tal-Pesti u sabiex tiżdied il-probabbiltà ta' aspettattivi (legali, servizz tal-konsumatur, eċċ.) li dawn jintlaħqu kif ukoll l-opportunità li jintlaħqu l-miri stabbiliti b'mod sikur. Jekk l-organizzazzjoni tiegħek teħtieġ dan it-tip ta’ ċertifikazzjoni, tista’ tibda billi titlob kwotazzjoni u timla l-formola tal-applikazzjoni.

Meta bħala konsumatur ma jirnexxilekx issolvi l-ilment tiegħek b’mod amikevoli mal-bejjiegħ u għalhekk ikollok bżonn l-assistenza tal-Uffiċċju għall-Affarijiet tal-Konsumatur, għandek tiftaħ ilment mal-Uffiċċju billi timla l-formola tal-ilmenti. Din il-formola tirrikjedi li tagħti d-dettalji personali tal-applikant, id-dettalji tal-bejjiegħ li għandek l-ilment miegħu, informazzjoni fuq it-tip ta’ prodott jew servizz mixtri, kif ukoll deskrizzjoni qasira tal-problema li għandek. Flimkien ma’ din il-formola, għandek tehmeż kopja tad-dokumenti kollha relatati mal-każ.