Ekonomija, Negozju u Kummerċ

Din il-formola ġġib liċenzja biex tagħmel car boot sale.

Skont il-Leġislazzjoni Sussidjarja 441.07 Regolamenti dwar Liċenzji tan-Negozji, liċenzja hija meħtieġa biex twettaq in-negozju ta’ aġenzija ta’ referenza ta’ kreditu. L-applikazzjoni għal liċenzja bħal din tinkludi r-rekwizit mandatorju biex jiġu sottomessi diversi dokumenti u,wkoll għandha l-ħlas ta’ 500 Ewro, liema ħlas ma jingħatax lura. L-applikazzjoni tasal għand is-Sezzjoni Liċenzji tal-Kummerċ iżda se tkun eżaminata mill-Bank Ċentrali ta’ Malta bħala s-superviżur tal-Aġenziji ta’ Referenza tal-Kreditu. Il-Bank joħroġ ir-rakkomandazzjoni tiegħu għall-ħruġ ta’ liċenzja jew mod ieħor, fi żmien tliet xhur mid-data tal-irċevuta ta’ applikazzjoni kompluta. Mid-data tas-sottomissjoni u matul il-perjodu ta’ reviżjoni ta’ tliet xhur, jistgħu jkunu meħtieġa kjarifiki, informazzjoni addizzjonali u dokumentazzjoni. Il-perjodu ta’ tliet xhur jista’ jiġi estiż għal tliet xhur oħra fid-diskerezzjoni tal-Bank.

Ir-rekwiżit għal awtorizzazzjoni tal-esportazzjoni għal tagħmir protettiv personali ġie introdott mill-Kummissjoni Ewropea permezz tal-pubblikazzjoni tar-Regolament ta ' Implimentazzjoni (UE) 2020/402 fid-dawl tan-nuqqasijiet fil-provvista li qed jiġu esperjenzati fl-UE matul il-pandemija COVID-19. Dan ir-rekwiżit japplika għall-prodotti elenkati fl-Anness I tar-Regolament.

Ir-Regolamenti tal-2001 dwar il-Kontroll fl-Esportazzjoni ta' Oġġetti li għandhom Użu Doppju jipprovdu biex jinħarġu awtorizzazzjonijiet ta' esportazzjoni għall-oġġetti li jaqgħu taħt il-kategorija ta' użu doppju fil-lista li tinstab fil-manwal għal dawn ir-regolamenti. Il-pajjiż tad-destinarju finali jiddetermina jekk hemmx bżonn ta' din il-liċenzja f'każ ta' oġġetti in transitu minn Malta.

Ir-Regolamenti tal-2001 dwar il-Kontroll fl-Esportazzjoni ta' Tagħmir Militari jipprovdu biex jinħarġu awtorizzazzjonijiet ta' esportazzjoni rigward armi, munizzjon, splussivi, aġenti tossikoloġiċi u tagħmir militari ieħor, inklużi vetturi militari, bastimenti tal-gwerra, ajruplani u apparat elettroniku. Lista ta' tagħmir militari li jinħtieġ awtorizzazzjoni tinstab fl-Anness għal dawn ir-regolamenti. F'każ ta' oġġetti in transitu minn Malta, il-pajjiż tad-destinarju finali jiddetermina jekk hemmx bżonn ta' din il-liċenzja jew le.

Id-detentur ta’ Liċenzja tal-Kummerċ ta’ Aġenzija ta’ Referenza tal-Kreditu jista’ jitlob il-kanċellazzjoni tagħha billi jimla formola ta’ kanċellazzjoni.

Konsenji ta' prodotti farmaċewtiċi li jidħlu f'ċirkolazzjoni ħielsa u speċifikament ikunu ser jintużaw f'Malta għandhom bżonn it-timbru tad-Dipartiment tal-Kummerċ qabel ma jiġu rilaxxati mid-Dwana.

Din il-formola ġġib permess lil bejjiegħ sostitut biex joqgħod flok dak li għandu l-liċenzja prinċipali għal aktar minn xahar minħabba raġunijiet speċifiċi familjari, li jinkludu:
i) Kull perjodu ta' żmien li matulu min għandu l-liċenzja jkun marid.
ii) Kull perjodu ta' żmien li matulu min għandu l-liċenzja jkun qed jieħu ħsieb ġenituri, il-mara jew raġel tiegħu/tagħha jew tfal li jkunu morda.
iii) Kull perjodu ta' żmien li matulu min għandu l-liċenzja jkun qed jieħu ħsieb ġenituri, il-mara jew raġel tiegħu/tagħha jew tfal li rreġistrati bħala persuna b'diżabbiltà mal-Kummissjoni Nazzjonali għal Persuni b'Diżabbiltà (KNPD).
iv) Fejn dik li għandha l-Liċenzja tkun tqila (pregnant) (matul iż-żmien tat-tqala).
v) Fejn min għandu l-Liċenzja twelled jew tadotta tarbija (għal perjodu sa sentejn mid-data tat-twelid jew mid-data tal-adozzjoni rispettivament); u
vi) Fejn min għandu l-liċenzja qed iżomm tifel/tifla għal fostering (għal perjodu ta' sena mid-data li jsir il-fostering jew sa meta l-fostering jieqaf, liema minnhom tiġi l-ewwel.)

Din il-formola tħassar il-liċenzja eżistenti għan-negozju.

B'din il-formola tingħata liċenzja biex tagħmel Fiera u/jew Esibizzjoni Kummerċjali biex tiftaħ il-Ħadd jew f'festa pubblika.