Identità, Ċittadinanza u Immigrazzjoni

Din il-formola għandha timtela minn kull ċittadin Malti biex jinħariġlu passaport Malti sew meta l-applikant ikun qed japplika għall-ewwel darba, jew ikun qed iġedded, jew biex jinħariġlu passaport ġdid f’każ li jinsteraq, jintilef jew jitgħarraq.

Din il-formola għandha tkun ippreżentata mal-Formola A meta l-applikant ma jkunx jista’ jkun preżenti biex jieħu ritratt bijometriku ħaj.

Din il-formola ta' kunsens timtela jekk l-applikant ma jkunx għalaq it-18-il sena u għandha timtela meta wiehed mill-ġenituri jkun joqgħod jew jinsab barra minn Malta. Il-formola trid tkun iffirmata mill-ġenitur li qiegħed barra minn Malta fil-preżenza tar-rakommandant. Ir-rakkomandant għandu jkun jaf sew l-identità tal-ġenitur li qed jiffirma, u jrid ikun jafu ta' mill-inqas sentejn. Bħala rakkomandant jigu aċċettati persuna li huma membri tal-Commonwealth, tobba, avukati jew persuni gradwati u li għandhom pożizzjoni manigerjali. Din il-formola hija estensjoni tas-Sezzjoni 7 tal-Formola A.