Identità, Ċittadinanza u Immigrazzjoni

Ċertifikati tal-mewt jistgħu jintalbu f'format ta' silta jew estratt jew inkella f'format sħiħ. L-estratt jinkludi d-dettalji prinċipali tal-att fil-kwistjoni, waqt li verżjoni sħiħa tinkludi d-dettalji kollha.

Ċertifikati tat-Twelid jistgħu jintalbu f'format ta' silta jew estratt jew inkella f'format sħiħ. L-estratt jinkludi d-dettalji prinċipali tal-att fil-kwistjoni, waqt li verżjoni sħiħa tinkludi d-dettalji kollha.

Ċertifikati taż-Żwieġ jistgħu jintalbu f'format ta' estratt jew f'format sħiħ. L-estratt jinkludi d-dettalji prinċipali tal-att fil-kwistjoni, waqt li l-verżjoni sħiħa tinkludi d-dettalji kollha. L-estratt ta' ċertifikati jiswa €2.60 u ċertifikat sħiħ jiswa €10.25.

Testmenti Pubbliċi Riċerka dwar testmenti tista' ssir fuq kull persuna (ħajja jew mejta) biex issir taf jekk tali persuna rreġistratx testment pubbliku. Ir-riċerka ma tiżvelax il-kontenut tat-testment, imma tagħti biss sommarju li fih ikun hemm id-data li fiha sar it-testment, u n-nutar li ppubblika l-istess testment. Il-kontenut tat-testment jista' jiġi muri biss lill-persuna li għamlet it-testment, jew l-eredi tagħha/tiegħu. Testmenti Sigrieti B'din l-applikazzjoni tista' wkoll tikseb informazzjoni rigward testmenti sigrieti ta' persuni mejta. Dawn it-tip ta' testmenti huma depożitati fil-Qorti Ċivili (Sezzjoni tal-Ġuriżdizzjoni Volontarja). Wara li persuna tapplika, l-applikant jiġi mgħarraf bir-riżultat tat-tfittxija, u jekk ir-riċerka tkun pożittiva, avukat jew nutar jista' jagħmel talba biex it-testment sigriet jiġi ppubblikat.

Ċertifikati ta' status liberu jiċċertifikaw li l-ebda att ta' żwieġ rigward applikant ma ġie rreġistrat fir-Reġistru Pubbliku ta' Malta bejn dati speċifiċi. Kull ċertifikat jiswa €5.15.

Ċertifikati ta' status liberu għandhom l-iskop li jintużaw barra minn Malta, u għandhom invarjabbilment ikunu awtentikati mill-Ministeru tal-Affarijiet Barranin, li jinsab f':
Palazzo Parisio
Triq Merkanti
Il-Belt Valletta

Ċertifikati ta unjoni civili jistgħu jintalbu f'format ta' estratt jew f'format sħiħ. L-estratt jinkludi d-dettalji prinċipali tal-att fil-kwistjoni, waqt li l-verżjoni sħiħa tinkludi d-dettalji kollha.

Tliet xhur sa sitt ġimgħat qabel iż-żwieġ, il-konjuġi jridu jiddikjaraw taħt ġurament jew b’mod solenni jaffermaw u jiffirmaw il-formoli RZ2 individwalment (żewġ formoli tal-RZ2 għandhom jiġu ppreżentati – waħda ffirmata minn kull parti) quddiem Kummissarju għall-Ġuramenti li jikkonferma li m’hemm l-ebda impediment legali jew xi kawża legali oħra għax iż-żwieġ tagħhom m’għandux iseħħ. Il-Kummissarju għall-Ġuramenti irid jiffirma, jittimbra u jiddata ż-żewġ formoli RZ2. Il-formoli RZ2 jeħtieġ li jiġu sottomessi flimkien mal-formola RZ1.

Minn tliet xhur sa sitt ġimgħat qabel l-unjoni ċivili, il-konjuġi għandhom jiddikjaraw bil-ġurament jew jaffermaw b'mod solenni u jiffirmaw il-formoli RZ2 individwalment (għandhom jiġu ppreżentati żewġ formoli tal-RZ2 - waħda ffirmata minn kull parti) quddiem Kummissarju għall-Ġuramenti, fejn jikkonfermaw li m'hemm l-ebda impediment legali jew kwalunkwe` kawża oħra legali għaliex l-unjoni ċivili tagħhom m'għandhiex isseħħ. Il-Kummissarju għall-Ġuramenti għandu jiffirma, jittimbra u jiddata iż-żewġ formoli RZ2. Il-formoli RZ2 għandhom jiġu sottomessi flimkien mal-formola RZ1.

Minn tliet xhur sa sitt ġimgħat qabel l-unjoni ċivili, l-imsieħba għandhom jagħmlu talba għall-pubblikazzjoni tat-tnidijiet taż-żwieġ fir-Reġistru Pubbliku. F'din il-formola, il-koppja għandha tagħti d-dettalji kollha mitluba mir-Reġistru taż-Żwieġ rigward l-unjoni ċivili li tkun ġejja. Din il-formola għandha tiġi ffirmata mill-koppja.

Tliet xhur sa sitt ġimgħat qabel iż-żwieġ, il-konjuġi għandhom jagħmlu talba għall-pubblikazzjoni tat-tnidijiet taż-żwieġ fir-Reġistru Pubbliku. F'din il-formola, il-konjuġi jagħtu d-dettalji kollha mitluba mir-Reġistru taż-Żwieġ rigward iż-żwieġ li jkun ġej. Din il-formola għandha tiġi ffirmata mill-koppja.