Identità, Ċittadinanza u Immigrazzjoni

Minn tliet xhur sa sitt ġimgħat qabel l-unjoni ċivili, il-konjuġi għandhom jiddikjaraw bil-ġurament jew jaffermaw b'mod solenni u jiffirmaw il-formoli RZ2 individwalment (għandhom jiġu ppreżentati żewġ formoli tal-RZ2 - waħda ffirmata minn kull parti) quddiem Kummissarju għall-Ġuramenti, fejn jikkonfermaw li m'hemm l-ebda impediment legali jew kwalunkwe` kawża oħra legali għaliex l-unjoni ċivili tagħhom m'għandhiex isseħħ. Il-Kummissarju għall-Ġuramenti għandu jiffirma, jittimbra u jiddata iż-żewġ formoli RZ2. Il-formoli RZ2 għandhom jiġu sottomessi flimkien mal-formola RZ1.

Riċerka tista' tkun ordnata vis-à-vis kull persuna jew ditta. Hemm żewġ tipi ta' riċerki: (a) Trasferimenti u (b) Djun. L-iskop li tordna riċerki dwar 'Trasferiment' hu li tiskopri l-proprjetà immobbli li ditta jkollha. Ir-riċerka tagħti riżultati biss jekk il-proprjetà tkun akkwistata b'att pubbliku li jkun insinwat minn nutar fir-Reġistru Pubbliku. Min-naħa l-oħra riċerki dwar 'Djun' jikxfu jekk ditta għandhiex xi ipoteki li jassiguraw xi obbligi, bħalma huma pereżempju self u ħlas ta' ċnus.

Tliet xhur sa sitt ġimgħat qabel iż-żwieġ, il-konjuġi għandhom jagħmlu talba għall-pubblikazzjoni tat-tnidijiet taż-żwieġ fir-Reġistru Pubbliku. F'din il-formola, il-konjuġi jagħtu d-dettalji kollha mitluba mir-Reġistru taż-Żwieġ rigward iż-żwieġ li jkun ġej. Din il-formola għandha tiġi ffirmata mill-koppja.