Inklużjoni, Ugwaljanza u Ħarsien Soċjali

L-Allowance għall-Carers tista’ tingħata lil persuna waħedha, miżżewġa, f’unjoni ċivili jew tikkoabita li għandha aktar minn tmintax-il (18) sena u tkun qed tieħu ħsieb il-kura ta’ membru tal-familja, b’dipendenza baxxa, li jgħix fl-istess dar, fuq bażi full-time.

L-Allowance Supplimentari tista’ tingħata lil persuna li għandha dħul baxx u li ma tkunx qed tirċievi Allowance tat-Tfal. Din l-allowance hija maħsuba sabiex tgħin lill-persuna eliġibbli tlaħħaq mar-rekwiżiti tad-dħul tagħha.

Iċ-ċertifikat mediku blu għandu jimtela minn tabib u jista’ jiġi sottomess online lid-Dipartiment tas-Sigurtà Soċjali fi żmien għaxart (10) ijiem mill-ewwel ġurnata tal-mard. L-uniċi eċċezzjonijiet aċċettati huma f’każijiet ta’ sptar jew trattament barra mill-pajjiż.

Dan is-servizz juri ċ-Ċertifikati Mediċi Blu ppreżentati lid-Dipartiment tas-Sigurtà Soċjali minn ħames (5) snin ilu. Iċ-ċertifikati mediċi blu huma elenkati skont is-sena u huma ppreżentati b’mod kronoloġiku.

F’każ ta’ perjodu ta’ mard fit-tul, iċ-ċertifikat mediku blu għandu jiġi sottomess lid-Dipartiment tas-Sigurtà Soċjali kull erbatax (14)-il ġurnata.

Persuna m’għandhiex għalfejn tissottometti l-kopja taċ-ċertifikat mediku blu lid-Dipartiment tas-Sigurtà Soċjali, jekk il-perjodu ta’ mard huwa ta’ (tlett) 3 ijiem jew anqas. Għalhekk, wara din id-data, ċertifikat ta’ (tlett) 3 ijiem jew anqas mhux ser ikun elenkat f’dan is-servizz.

Jekk Inti benefiċjarju tas-Sigurtà Soċjali għal Pensjoni tal-Irtirar, Pensjoni tal-Invalidità, jew Pensjoni tar-Romol mħallsa mid-Dipartiment tas-Sigurtà Soċjali ta’ Malta u bħalissa qed tgħix u titħallas barra l-pajjiż tista’ tiġġenera ċ-Ċertifikat tar-Rata tal-Benefiċċju online.

Permezz ta' dan is-servizz, wieħed jista' jsib id-dati li fihom kull u kwalunkwe benefiċċju maħruġ mid-Dipartiment tas-Sigurtà Soċjali huwa mħallas. Il-medda tad-dati hija għas-sena kurrenti.

Dan is-servizz jippermetti liċ-ċittadini joħorġu Dikjarazzjoni mid-Dipartiment tas-Sigurtà Soċjali li tiċċertifika li ma rċevew l-ebda pagamenti ta’ benefiċċju tas-sigurtà soċjali f’sena speċifika f’dawn l-aħħar 5 snin, sad-data ta’ meta nħarġet id-Dikjarazzjoni.

Peress li dan huwa dokument elettroniku mhemmx bżonn ta’ firma. Intant, din id-Dikjarazzjoni ġġenerata mhiex FS3 u ma bhekk ma tistax tintuża għall-skopijiet ta’ taxxa.