Oħrajn

Kull ċittadin Malti li beħsiebu jsiefer u/jew jgħix barra minn Malta b'mod temporanju jew permanenti huwa mħeġġeġ li jimla' u jiffirma l-formola tan-Notifika D.

L-artiklu 10 tal-Att XX tal-2011 jitlob li jitwaqqaf Reġistru tal-Maltin Prominenti li Jgħixu Barra minn Malta. Dan ir-Reġistru għandu jinkludi ċittadini Maltin li ddistingwew ruħhom f’xi professjoni, vokazzjoni jew xogħol li sar barra minn Malta. Dawk il-Maltin li huma f’din il-kategorija jistgħu jimlew Formola P u jibagħtuha lill-Ministeru għall-Affarijiet Barranin u Ewropej.

Artiklu 10 tal-Att XX tal-2011 jitlob li jitwaqqaf reġistru ta’ organizazzjonijiet mhux governattivi imwaqqfa barra minn Malta li jkunu involuti fil-promozzjoni u l-ħarsien tal-interessi tal-Maltin li jgħixu barra minn Malta. Dawk l-organizzazzjonijiet mhux governattivi li jaqgħu taħt din il-kategorija jistgħu jimlew din il-formola u jissottomettuha lill-Ministeru għall-Affarijiet Barranin u Ewropej u l-Kummerċ.