Oħrajn

L-Iskema Sustinable Quality Employment in Gozo se tipprovdi għajnuna, fil-forma ta’ rimborsi parzjali ta’ salarju, lil min iħaddem li jinsab u li għandu indirizz reġistrat f’Għawdex, biex isostni it-tranżizzjoni lejn sostenibbiltà msaħħa ta’ impjieg full-time fuq bażi indefinita:
 

a) jew ta’ impjegati ġodda bbażati f'Għawdex.

 

b) jew ta’ persunal ibbażat f’Għawdex, diġà impjegat mal-istess impriża bla waqfien mill-1 ta’ Jannar 2018 'il quddiem u li għalihom min iħaddimhom diġà bbenefika miċ-ċiklu sħiħ ta' 3 snin taħt l-Iskema ta' Gozo Employment Refund Scheme jew Gozo Back-Office Scheme.

 

Aktar informazzjoni hija disponibbli fin-Noti ta’ Gwida tal-iskema fuq il-websajt tal-Ministeru għal Għawdex u l-Ippjanar permezz ta din il-ħolqa:ghawdex.gov.mt

Il-Gozo Teleworking Scheme se tipprovdi għajnuna lil min iħaddem, li huma bbażati jew li jkollhom post tan-negozju f’Malta, biex joffru lill-impjegati tagħom stazzjonati Malta imma residenti f’Għawdex, il-faċilità biex jaħdmu mid-dar jekk il-kompiti tax-xogħol tagħhom jiġu sodisfatti bl-istess mod. Permezz ta’ din l-iskema, l-għajnuna se tingħata lil min iħaddem fil-forma ta’ għotja finanzjarja mifruxa fuq perjodu ta’ 3 snin, imħallsa proporzjonalment skond in-numru ta’ ġranet li l-impjegat jingħata t-telework. L-iskema toffri wkoll għotja finanzjarja relatata mal-Investiment Teknoloġiku u Kapitali biex tgħammar lill-impjegat bl-għodda meħtieġa biex iwettaq il-kompiti.
Aktar informazzjoni hija disponibbli fin-Noti ta’ Gwida tal-iskema fuq il-websajt tal-Ministeru għal Għawdex u l-Ippjanar billi tagħfas fuq dan ghawdex.gov.mt.