Pulizija, Ġustizzja u Difiża

L-Uffiċċju tan-Nutar tal-Gvern bħalissa qed jiddiġitalizza l-Volumi Nutarili. Kuljum dan l-Uffiċċju qed itella’ kuntratti u testmenti pubbliċi fil-Portal tal-Atti Nutarili biex b’hekk ikunu disponibbli u jkunu jistgħu jinxtraw. F'każ li l-att/testment meħtieġ ma jinstabx online, is-sistema tippermetti lill-utent jissottometti ordni li tiġi notifikata fi żmien ħamest (5) ijiem tax-xogħol.
Ladarba l-ordni tkun ġiet ipproċessata, l-applikant għandu jirċievi email flimkien ma’ link li jidderiġih/a għad-dokument/i meħtieġa. Kull att/testment jinqasam f’erba’ kategoriji (Kuntratt/Testment, Pjanti, Dokumenti tat-Taxxa u Dokumenti Oħra) sabiex il-klijent ikun jista’ jixtri parti jew id-dokumenti kollha li għandu bżonn.

Prokura tista’ tiġi revokata billi timtela l-formola mehmuża u tiġi mgħoddija lill-Uffiċċju tan-Nutar tal-Gvern. M’hemmx bżonn li jiġu notifikati l-banek kummerċjali u n-nutara kollha ta’ Malta u Għawdex, peress illi l-applikazzjoni tiġi mtella’ online fl-istess ġurnata meta tiġi sottomessa. Jitħallsu €50 għal kull applikazzjoni sottomessa.

Prokura tista’ tiġi revokata billi timtela l-formola mehmuża u tiġi mgħoddija lill-Uffiċċju tan-Nutar tal-Gvern. M’hemmx bżonn li jiġu notifikati l-banek kummerċjali u n-nutara kollha ta’ Malta u Għawdex, peress li l-applikazzjoni tiġi mtella’ online fl-istess ġurnata meta tiġi sottomessa. Għandha titħallas €50 għal kull applikazzjoni sottomessa.

Din il-formola tintuża minn dan l-uffiċċju biex min ikun qed jagħmel ir-riċerka jiġi eżenti mill-ħlas biex jispezzjona l-atti nutarili u biex jibbenefika mir-rati fuq servizzi ta' kopji li jingħataw mid-Dipartiment.