Pulizija, Ġustizzja u Difiża

Professjonisti legali mhux Maltin fi ħdan l-Unjoni Ewropea li jixtiequ jipprattikaw il-professjoni legali tagħhom f'Malta jridu jirreġistraw mal-awtorità kompetenti lokali. B'dik ir-reġistrazzjoni, ikunu jistgħu jipprattikaw bis-saħħa tat-titolu professjonali ta' pajjiżhom. Jekk, imbagħad, dawk il-professjonisti jixtiequ jiksbu dħul fil-professjoni legali f'Malta jkunu jridu japplikaw għal warrant lokali.

Testmenti Pubbliċi Riċerka dwar testmenti tista' ssir fuq kull persuna (ħajja jew mejta) biex issir taf jekk tali persuna rreġistratx testment pubbliku. Ir-riċerka ma tiżvelax il-kontenut tat-testment, imma tagħti biss sommarju li fih ikun hemm id-data li fiha sar it-testment, u n-nutar li ppubblika l-istess testment. Il-kontenut tat-testment jista' jiġi muri biss lill-persuna li għamlet it-testment, jew l-eredi tagħha/tiegħu. Testmenti Sigrieti B'din l-applikazzjoni tista' wkoll tikseb informazzjoni rigward testmenti sigrieti ta' persuni mejta. Dawn it-tip ta' testmenti huma depożitati fil-Qorti Ċivili (Sezzjoni tal-Ġuriżdizzjoni Volontarja). Wara li persuna tapplika, l-applikant jiġi mgħarraf bir-riżultat tat-tfittxija, u jekk ir-riċerka tkun pożittiva, avukat jew nutar jista' jagħmel talba biex it-testment sigriet jiġi ppubblikat.

Din il-formola għandha tiġi ppreżentata mill-persuna li tkun trid tibda proċeduri ta’ arbitraġġ volontarju u għandha tkun akkumpanjata bi ħlas rappreżentanti d-Dritt tar-Reġistru.

Din il-formola għandha tiġi ppreżentata mill-persuna li tkun trid tibda proċeduri ta’ arbitraġġ mandatorju u għandha tkun akkumpanjata bi ħlas rappreżentanti d-Dritt tar-Reġistru u d-Dritt tal-Arbitru.

Din il-formola għandha tiġi ppreżentata mill-parti li tkun qed tikkontesta arbitru.

Din il-formola għandha tiġi ppreżentata fl-eventwalita’ li l-partijiet jixtiequ jippreżentaw Avviż Konġunt fi proċeduri ta’ arbitraġġ volontarju ai termini tar-Regola 13(7) tar-Regoli dwar l-Arbitraġġ. Din il-formola għandha tkun akkumpanjata bi ħlas rappreżentanti d-Dritt tar-Reġistru.

Din il-formola għandha tiġi ppreżentata mill-Intimat u tintuża fi proċeduri ta’ arbitraġġ volontarju. Din il-formola għandha tkun akkumpanjata bi ħlas rappreżentanti d-Dritt tar-Reġistru.

Din il-formola għandha tiġi ppreżentata mill-intimat u tintuża fi proċeduri ta' arbitraġġ mandatorju. Din il-formola għandha tkun akkumpanjata ma' ħlas rappreżentanti d-dritt tar-reġistru u d-dritt tal-arbitru.

Din il-formola għandha tiġi ppreżentata meta jkun meħtieg li jitħarrek xhud taħt l-Awtorità tal-Prim Awla tal-Qorti Ċivili, u tintuża fi proċeduri ta' arbitraġġ volontarju u fi proċeduri ta' arbitraġġ mandatorju.

Din il-formola għandha tiġi sottomessa biss minn persuni li huma kkwalifikati u qed jitolbu li jiġu akkreditati bħala medjaturi.