Taxxa u Finanzi

Entry/Exit Summary Summary Declaration hija applikazzjoni web-based għad-dikjarazzjoni ta' kull konsenja li tasal jew titlaq fl-ewwel jew l-aħħar port fl-Unjoni Ewropea rispettivament. Is-sistema tipprovdi 3 metodi biex tibgħat id-dikjarazzjoni: jew billi ddaħħal kull konsenja manwalment, ittella' XML file fuq l-internet, jew it-trader's system tikkonnettja mas-sistema tad-Dwana direttament permezz tal-web services . Din tal-aħħar ikollha bżonn perjodu ta' testing fejn in-negozjant ikollu jgħaddi minn testijiet speċifiċi ta' konformità qabel ma jibgħat live data. Id-dettalji tekniċi kollha jinsabu fuq il-websajt tad-Dwana.

Kull moviment ta' oġġett tas-sisa għandu jkun dokumentat b'evidenza, sabiex isservi ta' prova għal verifika. Dan id-dokument, li jista' jitniżżel mill-Att dwar id-Dazju tas-Sisa, jgħin fil-moviment ta' oġġetti tas-sisa bejn żewġ tax warehouses, jiġifieri waqt li l-oġġetti jkunu għadhom taħt sospensjoni ta' dazju tas-sisa.

Negozjanti li jinnegozjaw prodotti bid-dazju u li huma reġistrati fis-sistema tas-SEED jistgħu jitolbu biex jingħataw aċċess għal Excise Movement Control System (EMCS), biex ikunu jistgħu jaċċettaw jew jibgħatu prodotti b'dazju min pajjiż fl-Unjoni Ewropea għal ieħor onlajn.

Entry/Exit Summary Declaration tipprovdi 3 metodi biex tibgħat dikjarazzjoni: jew billi ddaħħal kull konsenja manwalment, ittella' XML file fuq l-internet, jew it-trader's system tikkonnettja mas-sistema tad-Dwana direttament permezz tal-web services . Il-Carriers ikollhom bżonn jibagħtu applikazzjoni biex ikunu jistgħu jidħlu għas-Summary Declaration System .

Importaturi jistgħu jitolbu ħlas lura ta' dazju ta' importazzjoni li jkun tħallas fuq konsenji li meta ġew rilaxxati ma kellhomx iċ-ċertifikat ta' preferenza applikabbli maħruġ mill-esportatur.

L-għan tas-sistema EORI (Identifikazzjoni tar-Reġistrazzjoni tal-Operaturi Ekonomiċi) huwa li jippermetti lil kull operatur ekonomiku li jinteraġixxi direttament mal-awtoritajiet doganali fi kwalunkwe Stat Membru tal-UE, biex jiġi provdut b’numru ta' referenza uniku. Dan in-numru ta' referenza huwa validu fl-Unjoni Ewropeja kollha u jservi bħala referenza komuni għall-interazzjoni tal-operatur ekonomiku mal-awtoritajiet doganali ta' kwalunkwe Stat Membru tal-UE.

Din is-sistema ilha tintuża mill-operaturi ekonomiċi fid-dikjarazzjoni doganali kollha mill-1 ta' Lulju 2009. Dan in-numru jintuża wkoll għall-iskambju ta' informazzjoni bejn l-awtoritajiet doganali tal-UE u fejn xieraq, bejn id-dwana u awtoritajiet oħra, pereżempju l-awtoritajiet tal-istatistika.

Id-dazju tas-sisa jitħallas fuq top up vouchers u fuq kuntratti ta' bejgħ.

Id-Dwana tipprovdi servizz lil negozjanti, fejn ikunu jistgħu jidħlu onlajn f'applikazzjonijiet speċifiċi rigward prodotti ta' importazzjoni, esportazzjoni u merkanzija. Biex ikun jista' jidħol f'dawn l-applikazzjonijiet, in-negozjant għandu jitlob drittijiet ta' aċċess billi juża l-formola tal-applikazzjoni għal Remote Access Facility.

Kull persuna li tidħol jew titlaq minn Malta, jew tgħaddi minn Malta u tkun qed iġġorr somma ekwivalenti għal €10,000 jew aktar fi flus, ikollha bżonn li timla din id-dikjarazzjoni.

Proprjetà personali użata li tappartjeni lil persuni li jittrasferixxu l-post normali tar-residenza tagħhom minn pajjiż mhux Ewropew lejn Malta hija ammessa ħielsa mid-Dazji tal-Importazzjoni skont ir-Regolament tal-Kunsill (KEE) Nru 1186/09.