Taxxa u Finanzi

Din il-formola ta' awtorizzazzjoni tapplika għal persuni li jaħtru tax practitioners bħala t-tax representative tagħhom rigward is-servizzi elettroniċi jew faċilitajiet provduti mill-Kummissarju tat-Taxxi.

Kull meta taxpayers jixtiequ li jbiddlu l-istatus tagħhom minn eżenti għal mhux eżenti jew viċi versa, ikollhom bżonn jimlew scheme option form sabiex jibdlu l-istatus tagħhom.

Iċ-ċertifikat ta’ konformità tat-taxxa huwa dokument li juri l-konformità tat-taxxa tal-persuna fuq Income Tax, VAT u FSS tax.

Din il-formola ta' ħlas għandha tiġi ppreżentata sal-aħħar ġurnata tax-xogħol tax-xahar, wara dak ix-xahar li l-pagatur (imgħallem) ikun ħallas emolumenti jew ipprovda fringe benefits lill-payees (impjegati). Dan id-dokument jikkonsisti f’informazzjoni ta’ ħlas dwar taxxa u kontribuzzjonijiet tas-Sigurta’ Soċjali u Fond tal-Maternita’.

Din il-formola għandha timtela mill-impjegat (payee) u l-imgħallem (pagatur) flimkien, sabiex jiġi deċiż il-metodu korrett ta’ trattament tat-taxxa hekk kif stabbilit mir-regoli dwar il-Final Settlement System.

Dan id-dokument irid jiġi ppreparat mill-pagatur (l-imgħallem) u provdut lill-impjegat (payee) fi żmien 7 ijiem mit-tmiem tal-impjieg jew sal-aħħar ta’ Jannar jekk il-payee għadu fl-impjieg.

Din il-formola tipprovdi informazzjoni bħan-numru ta' FS3s maħruġa, il-gross amount ta' ħlasijiet li jkunu mħallsa lil payees rigward l-impieg part-time u t-taxxa mnaqqsa, l-ammont gross imħallas lillpayees rigward il-ġlasijiet li jiġu minn sors ieħor u t-taxxa mnaqqsa, u t-taxxa totali, jekk hemm, imnaqqsa rigward il-payees' outstanding tax liability kif ordnata mill-Kummissarju.