Trasport u Komunikazzjoni

Jekk taqsam bejn Malta u Għawdex b’mod frekwenti l-iskema Daily Commuter hija ideali għalik. Valida għal perjodu ta’ 3 xhur il-pre-paid card tad-Daily Commuter toffri rati vantaġġużi ħafna.

Mill-1 ta’ Ġunju 2004 il-klijenti jistgħu jagħmlu użu minn skemi varji tal-Frequent Traveller meta jivvjaġġaw bejn Malta u Għawdex. L-iskema Frequent Traveller tapplika għal persuna individwali bħala sewwieq flimkien ma’ kwalunkwe vettura li ma taqbiżx it-tul ta’ 5 metri, jew ma’ vettura partikolari (li ma taqbiżx it-tul ta’ 5 metri) u tkun applikabbli għas-sewwieqa kollha ta’ dik il-vettura partikolari. L-aħħar skema msemmija hija addattata għan-negozji zgħar li jibagħtu rappreżentanti tagħhom Għawdex. Ir-ritratt tas-sewwieq jew in-numru ta’ reġistrazzjoni u l-għamla tal-vettura ikunu murijja fuq il-card stess skont kif tapplika l-iskema. L-iskema tapplika wkoll għal dawk il-passiġġieri li jaqsmu mingħajr vettura (foot passengers), fejn f’dan il-każ ir-ritratt tal-persuna ikun muri fuq l-istess card. Attwalment il-proċess biex tapplika huwa wieħed manwali, iżda eventwalment dan se jkun disponibbli wkoll b’mod elettroniku (onlajn).

Permess biex tinstalla jew tittrasferixxi radju tal-Marine VHF (Very High Frequency) abbord bastiment ġdid.

Ċertifikat li jinħareġ b'konformità mal-Konvenzjoni Internazzjonali għal Safety of Life at Sea (SOLAS), u r-Regolamenti dwar il-Bastimenti Merkantili. Dan iċ-Ċertifikat jindika n-numru u grading tal-ħaddiema abbord il-bastiment.

Prova ta' servizz imwettqa fuq il-baħar, li għandu jiġi ppreżentat minn dawn l-applikanti li jixtiequ japplikaw għall-Avviż ta' Eliġibbiltà (Notice of Eligibility) u ċ-Ċertifikat Relattiv ta' Kompetenza għall-Persunal tad-Deck (Deck Personnel).

Prova ta' servizz imwettqa fuq il-baħar, li għandu jiġi ppreżentat minn dawn l-applikanti li jixtiequ japplikaw għall-Avviż ta' Eliġibbiltà (Notice of Eligibility) u ċ-Ċertifikat Relattiv ta' Kompetenza għall-Persunal tal-Inġinerija.

Deskrizzjoni ta' evidenza fuq servizz li jkun twettaq fuq il-baħar ta' minn tal-anqas 12-il xahar (li m'hemmx il-bżonn li jkunu kontinwi) li jkun sar fil-ħames snin preċedenti.

Permezz ta' din il-formola, applikanti jistgħu jiksbu diversi liċenzji biex joperaw sport akkwatiku bħal:
- Paragliding/Water skiing.
- Kiri ta' bastimenti żgħar li jaħdmu mekkanikament.
- Kiri ta' paddle boats, kenuri u bastimenti oħra żgħar li ma jaħdmux mekkanikament.

Kumpanija jew individwu li jkun irid jikseb jew jittrasferixxi liċenzja biex jopera Sport Akkwatiku.

Individwu jew kumpanija li tkun trid trasferiment ta' sid ta' bastiment żgħir. Jista' jiġi trasferit bastiment żgħir mingħajr magna, bastiment żgħir bil-magna, jew magna/i biss li se tintuża fuq dgħajsa ta' tip S.